School Education Minister Lalchhandama Ralte-in Darlawn Joint VC-in an buatsaih Darlawn Community Health Centre lawmna Joint VC Hall-a neih chu nimin khan a hmanpui.
Lalchhandama Ralte chuan hripui avangin kum hnih leh a chanve vel hnathawk thei lovin an awm nia sawiin, chuti chung chuan Darlawn khawpui dung leh vangah hmasawnna hnathawh hrang hrang hmuh tur a awm a, chung zingah chuan Darlawn PHC, CHC a hlankai pawh a tel tih a sawi a. Sorkarin CHC a hlankai chu a tihpui- tlinna tur kawng a za- wh dawn tih sawiin, thawklehkhata damda- wiin mamawh neih nghal thut a theih loh thu leh a tahtawla a lo kal zel tur thu a sawi.
Hmar thimpui tihen nan thil tum pathum a nei nia sawiin, Lalchhandama Ralte chuan, chungte chu tlangdung zirna tihhmasawn, hri- selna lama inenkawlna tihhmasawn leh hmar tlangdung Zoram ka- wtchhuah thara siam te an nih thu a sawi a. Zirna thuamthat hnat- hawh a nih dan te, hri- selna lama hnathawh dan te leh hmasawnna nasa tak a awm tawh dan te a sawi.
Lalchhandama Ralte chuan “Kawngpui lamah Seling ațanga Tipaimuk road sial nan central-in Rs. vbc 1500 a dah tawh a, highway-in he tlangdung hi a paltlang dawn a, chubakah Bhaga road tur puan a ni tawh a, a hmawr a eng zel a, awmze neiin he tlangdung hi a kal a ni” a ti a. Darlawn khaw chhunga hmasawnna hnathawh dang te pawh sawiin, multipurpose hall sak mek te, Godown sak te, tui leh eng lama hnathawh te, playground a phul lem phah tum mek a nih dan te a sawi a. Darlawn khawpui a țhan zel theih nan awmze neia hmalak a tul thu a sawi bawk.