Aizawl : Deputy Ch- ief Minister, Tuichang bialtu MLA ni bawk Tawnluia hovin nimin khan Khawzawl District-a sorkar pisa hotute an thukhawm a. District hmasawnna tur hrang hrang te an sawiho.
Deputy Chief Minister chuan “district thar enkawl chu awm lo ata thil awm tir a nih angin chona tam tak a awm” a ti a. “Sorkarin harsatna lian tak hripui leng vangin a tawk a, a pawisa hmuh tur Rs. vaibelchhe 3000 vel a hmuh lo” tiin, hripui leng bakah – Vawk pul hri, ram ka- ng, lirnghing, raltlan leh ramri buai avangin ha- rsatna hrang hrang sor- karin a tawk tih sawiin, “hmuh lawklohna lamah pawisa tam tak hman a ngai ta a ni”, a ti.
Heng harsatna karah hian sorkar chuan ch- hungkaw tin khaichhuah chu thupui berah neihin, flagship program – SE- DP chu a theih ang ang- in nikum lam atangin a kal pui tan tih Tawnluia chuan a sawi a. Khaw- zawl District-a sorkar pisa hotu ten tawrhchhelna leh thahnemngaihna nena Khawzawl district-an enkawl avangin bial mipuite aiawhin lawmthu a hrilh a, duh- thawhna vanga tawng- kam na leh an ngaihdan piahlam a lo sawi a nih pawhin ngaihdam a dil.
Deputy Chief Minister chuan Khawzawl town chhunga sorkar deptt. hotu kalkhawmte chu model code of conduct-in a phuar hma hun tlem te chhunga a tam thei ang ber hma la thei turin an office kalphungte inhrilhtawna, hma thar lakna tur inbengvarna hun atan he thutkhawm hi hmang turin a sawm a. Sorkar chuan a hmuna thawktute ngaihdan leh thurawn a ngaihpawimawh hle thu a sawi bawk.