Punjab khawpui, Amritsar-a Nirankari Bhawan-ah nimin tuk khan grenade hmangin inkhawm beih an ni a, mi 3 thiin mi dang 10-in hliam an tuar bawk.
He thil thlenna hmun hi Nirankari-a thlarau lama inpawlhkhawmnaah a ni a. Adliwal vengah hiin deputy commissioner, Kamaldeep Singh Sangha chuan a sawi a a, Thi hi 3 an nih thu leh inhliam pawh 10 an awm thu a sawi a. IG border range Surinderpal Singh Parmar pawhin a sawi ang hian thi leh hliam an awm thu a sawi ve bawk.
Hliam tuarte hi Amritsar-a Guru Nanak Dev Hospital leh Ivy Hospital-ah dah luh an ni a. An ngaihtuahawm lutuk hlawm lo va, he thil thleng hi chhui zui mek a ni.
He thil thlen lai hmutute chuan Nirankari zuitu (follower)-te chu inkhawma an thutkhawm laiin bike pahnihin, hmai tuam mipa an lut a, grenade-in an vawm zui ta mai niin an sawi a. Mi dangte chuan heng a beitute hian assault rifle pawh an keng niin an sawi a, Nirankari Dera lam atang lo kal niin an sawi bawk.
Punjab Congress president, Sunil Jakhar chuan thi chhungte a tawrhpui thu a sawi a. “Punjab-a ralmuanna awm tihchhiat tumtute an ni,” a ti.