- Ruata
American company hmingthang Jeep chuan an SUV mawi leh tha tak mai, Compass chu a thar tichhuakin hetah hian 2 wheel drive version diesel khawl leh automatic transmission hmang Rs. Nuai 23.99 man a tel a, hei hi India mipuiten an hlut viau beisei a ni.
Jeep-ah hian an lirthei chhuanvawr compass-ah hian a khawl lamah pawh duhthlan tur thar an rawn chhawp a. Hei mai bakah hian a grille leh alloywheel te a thar kan hmu bawk a ni. Jeep hian Compass model ho hi kum 2021 khan a lo tuaithar tawh a, India ramah pawh kan hmu a, tunah hian a thar kan hmu leh ta a, a mawiin a mamawh lai nia an hriatah mawi leh fuh takin an rawn tuaithar leh a ni.
- A man leh chi hrang
Jeep hian updated Compass hi chi 5 – Sport, Longitude, Longitude+, Limited leh Model S te an tichhuak a. Sport trim hi a variant hniam ber a nih chhunzawm zel a, diesel-manual khawl nen chauh an tichhuak a. Manual variant hi a man tlahniamin cheng nuai 20.49 a ni tawh bakw a ni. A dawt leh Longitude variant-ah hian manual leh 9-speed automatic gearbox a awm leh a, hei hi Compass lirtheia automatic awm tanna variant a ni a. Diesel automatic tui heh zawng hi 16.2kpl a a ni tih company lam chuan an tarlang bawk a ni.
Updated Compass Longitude O2 trim thung chu Rs Nuai 24.49 atanga tan a ni a, panoramic sunroof leh wireless charger hmanga thuam a ni a, hei bakah hian Longitude trim-a kentel awm zawng zawng a awm bawk a ni. A aia variant sang leh hret chu Jeep Compass Limited a ni a, Black Shark edition thar a rawn awm bawk a, a chhung hi rawng dum, all-black a ni a, alloy wheel dum a nei a, he SUV chhung zawngah hian ‘Ignite Red’ highlights a nei bawk. Blackshark hi Rs Nuai 26.49 man atanga tan niin Limited variants hi Rs Nuai 25.99 atanga tan a ni thung a ni.
Compass model-a a top variant chu Model S a ni a. He variant hi 2WD automatic khawl thar nen pawh a awm a, 4WD automatic variant awmsa te nen duhthlan theihin a awm bawk a ni. He trim-a variant zawng zawngah hian alloy wheel design thar a awm vek a, chrome grille thar hi Limited leh Model S trim-ah chauh a awm thung a, Rs Nuai 27.99 man atangin a intan a ni.
Jeep hian Meridian Overland Edition an tlangzarh bawk a, a grille leh alloy wheel design thar bakah copper-based interior color theme a nei a ni.
- A khawl leh thildang
Automatic gearbox nei Jeep Compass hi a hmain 4×4 variant -ah chauh a awm a. 4×4 kher duh lo, automatic transmission duh si tan tunah chuan duhthlan tur an rawn siam ta a. Compass thar khawl hman hi 170hp power leh 350Nm torque pechhuak thei, 2.0-litre diesel khawl a ni a. Jeep hian tunah hian India ramah Compass bikah hian diesel khawl hmang chauh a hralhchhuak a, BS6 Stage II emissions norms vangin 1.4-litre turbo-petrol engine chu a an titawp a. Nakin lawkah petrol khawl ho hi an rawn tlangzarh leh thuai beisei a ni.