Aizawl : Mizoram tlawha lo zin Union Minister of State for DoNER BL Verma chuan Lengpui Airport chei that hna thawh chu a duh thu a sam lo thu a sawi.
Inrinni khan BL Verma hian Mizoram BJP pisa a tlawh a, thu sawiin, “Lengpui Airport sak mek chu enfiahna hun ka nei a, duh thu a sam lo hle. Mahse, central suma sak a nih avangin a hun taka hna thawh zawh a nih theih nana hma la tura hriattir a ni a. Inthlanpui kan neih hmaa zo hman tura hna thawh a ni bawk,” a ti.
BL Verma hian Mizoramah district hospital pathum lai sakna tur sum pawh Mizoram tan pek a nih thu leh, hawn theih thuai a beisei thu a sawi bawk.
I.N.D.I.A. chungchang sawiin BL Verma chuan, “I.N.D.I.A tih chu opposition party te’n corruption-a India ram an eichhiat mai chu duhtawk lo vin, INDIA hming lam pawh an ru duh hi a buaithlak hle a, hei vang hian vawiinah pawh India hming tho Bharat tih chu hman a ni ta mek a ni,” a ti bawk.
Inkhawm hi BJP Mizoram Vice President Vanupa Zathanga’n a kaihruai a ni.