Aizawl: Siaha district jail atanga a tlan chhuah hnua an man, Police-in an kawl hnua tlan chhuak nawn leh Vanrampana (24) chu nimin khan Rangvamual ah man a ni.
Vanrampana hi September 9,2023 khan Siaha District Jail atangin a tlanchhuak a, police-ten an zawn mek laiin September 15 khan Central Jail-ah a thianpa tang mek tlawh tura a kal chu Jail duty ten lo manin, Zonuam Out Post-ah pek a ni a; hemi ni vek hian a tlan chhuak leh.
Zawn a nih mek lai hian September 18, 2023 chhun khan Kanan veng Aizawlah in pakhat rawkin scooty chahbi la-in a tlanbopui a. Nimin chawhma dar 11:20 vel khan Vaivakawn area, Rangvamual hnaihah Bawngkawn Police-ten man lehin miin rawn thubuai a neihna Vaivakawn police te kutah chawhnu dar 1 vel khan hlan a ni.