AIZAWL: Horticulture department buatsaihin nimin khan Aijal Club-ah World Bamboo day 2023 hman a ni.
Horticulture Commissioner & Secretary K Lalthawmmawia kaihhruaiah hian khuallian Bamboo Development Vice Chairman Dr K Pachhunga chuan Pathianin mau variety tha tak Mizoramah a dah a, Mizo chhungkaw tinin mau an hmang tangkai tih sawiin, “Mautuai ei zawng zawngte hi a man a tamin ka ring khawp a, kan economy-ah nasa takin min pui,” a ti.
World Bamboo Day lawmnaah hian mau chin kawnga thawh hlawk leh mau atanga thil siam chhuak hlawhtling hnenah lawmman pek an ni.
Bamboo day pual hian exhibition buatsaih a ni a, mau atanga siam thil pho lan a ni a, Institute of Design, Bengakuru leh National Insitute of Design, Ahmedabad-a designer leh master trainer ten an chhim a ni.