Catalan football club Girona chuan season bul an tan that an chhunzawm a, Granada hmachhawnin 4-2 in hnehna an chang.
Thawhtanni zana Granada khelmual Estadio Nuevo Los Carmenes a inkhelah hian Girona tan first half-ah Viktor Tsygankov, Savio, leh David Lopez ten goal an khung a. Second half-ah Albanian winger Myrto Uzuni chuan Granada tan goal khungin huntawp hma in Lucas Boye chuan an goal hnihna a khung ve leh.
Mahse Girona bawkin goal khung leh hmanin Yan Couto chuan an goal li na a khung.
Girona hi vawi li an chakna niin table-ah pathumnaah an awm a, Real Madrid leh Barcelona te nen an la tlawm lo mek.
An coach Michel chuan, “Kan result ai pawhin kan inkhelh dan kha a lawmawm. Second half erawh kan inenfiah a ngai a, ball kan chanin tihsual kan nei thin. Anni lam an insiamtha nen khan a harsa deuh.” tiin a sawi.