Aizawl: Siaha khawpui chhung hmun thenkhatah BSNL Mobile signal a that tawk loh avangin an customer ten harsatna an tawk mek.
Siaha atanga thudawn danin, Mizorama Telecom service provider awm mek zinga upa ber BSNL hian tunhnai kum 2 kal ta vel atang khan signal an pek chhuah in duh thu a sam tawklo hle a, Customer lam atangin complaint siam ni ve thin bawk mah se tun thlengin thlengin hmasâwnna tih tham sawi tur a awm chuang lo.
Hetiang a nih avang hian Siaha-a BSNL Customer thenkhatte chuan Mizorama BSNL General Manager hnenah lehkha thawnin, Siaha khawpui chhunga signal that tawk lohna laite, a area hming nena tarlangin, BSNL in Tower a neih sa in a chawm zo tawk tawhlo nia a lan thute, Signal tha leh mumal, chak zawk a awm theih nan Siaha khawpui chhungah Mobile Tower bun belh tura arang lama hma laksak turin an ngen a ni.