Aizawl : Serchhip District Bharat Scouts and Guides Council chu nimin khan an President, Serchhip Bawrh- sap ni bawk David Lalthantluanga hovin an thukhawm a, hmalakna tur tul leh pawimawh hrang hrang an sawiho.
Serchhip District-a Bharat Scouts and Guides unit 7 -a member te infuihtharna leh intuaitharna hun Grand Campfire chu kumin kumtawp lama buatsaih an tum a. Unit hrang hrang te chu hun remchang hmasaberah tlawh chhuah ni se, an ti.
Serchhip district-a school hrang hrangah Bharat Scouts and Guides Unit din thar tura hmalak an rel a. Scouts and Guides chungchangah inzirtirna te, hriatzauna te, zirlai naupang te tan nakin zela hna an zawn hun thlenga pui thei tur thil tangkai a nih dan te inhrilhriat ni se, tiin awareness campaign neih an tum bawk.
Serchhip District Bharat Scouts and Guides President Bharat Scouts and Guides hmasawnna tura thahnemngai taka ke pen turin kalkhawm te a sawm a. Serchhip District Bharat Scouts and Guides Secretary CVL Hruaia’n an pawl dinhmun tlangpui sawiin, an hmalakna leh hmachhawp te a sawifiah bawk a ni.