Aizawl : India rampum huapa Rashtriya Poshan Maah (Nutrition Month) hman mekah nimin khan ICDS Kha- wzawl Project leh District Hospital, Khaw- zawl tangkawp bultumin Govt. Middle School II, Khawzawlah Anaemia Camp buatsaih a ni a, naupang ten thisen an tlakchham leh tlakchham loh endik a ni.
Anaemia Camp-ah hian District Hospital, Khawzawl aiawh ten Govt. Middle School II zirlaite thisen laksakin thisen an tlakchham leh tlakchham loh an endik a. Naupang 56 te thisen enfiah niin, an result a tha vek a ni.
CDPO Lalremthangi Hauhnar chuan Poshan Maah hman mek chhu- nga an hmalakna hrang hrang sawiin, Anganwadi Workers, Helpers, ASHA leh Health Workers ten naupai leh naupawm te tlawhin nau enkawl dan an zirtir thu te, tleirawl leh rawlthar te zingah thisen tlachham an awmlohna tura inzirtirna an neihpui thu te leh an hmalakna dang pawimawh hrang hrang te a sawi bawk.