McLaren F1 Team chuan an driver hmabak nei eng tak Oscar Piastri chu kum 2026 season thleng an hnena awm turin contract an ziahpui.
Kum 22 mi Australian driver hi kuminah Formula One a a season khatna hmang tan chauh mahse a intlansiak tawhah fak a hlawh thin viau a. A teammate Lando Norris nen F1 a hmabak nei eng ber pawl a ngaih a ni.
Team principal Andrea Stella chuan drivers’ championship a 11-na ni mek Piastri hmalam hun thlun ngheh chu an tan thutlukna awlsam tak a nih thu a sawi.
“Oscar hian chetthat a duh reng a, a thawhrim bakah inpekna rilru tak tak a neih avangin a fakawm hle. He contract ziahpui hi keini lam atangin thutlukna awlsam tak a ni.” tiin a sawi.
FIA Formula 3 leh Formula 2 champion ni tawh Piastri hi kumina Belgian Grand Prix sprint race-ah pahnihna niin Silverstone a British Grand Prix qualifying-ah pathumna a ni bawk a. A lakah beiseina sang awm chu a taka a nemngheh theih avangin driver ngaihven hlawh a ni mek.