Commerce & Industries Minster, MIFCO Chairman ni bawk Dr R. Laltha- ngliana’n nimin khan Chhingchhipa Mizoram Food and Allied Industries Corporation Ltd. (MIFCO) hmun a tlawh a. MIFCO thei tui sawrna hmun tihchangtlun zel dan tura hmachhawp te thawktute a sawipui.
Dr R Lalthangliana chuan bahlah awm lova thei tui quality tha, a lei tute tan pa- wha lei man awm tak siam chhuah reng a nih theih nan tanlak a tul tih sawiin, thawktu leh khawl mamawh dan te a endik nghal bawk.
Sorkar thuchhuahin a tarlan danin MIFCO thei tui sawrna hmunah hian Lakhuihthei leh Sapthei te leiin a tui an sawr thin a. Mipui hnena hralh chhuah turin Squash-ah an siam leh bawk thin. Chhingchhip leh a chhehvel khaw hrang hrangah loneitute thar chhuah lakhuihthei leh sapthei te an lei kha- wm thin a. Fruit Juice Concentrate Plant ata- ng hian nikhatah Sq- uash bottle 300 vel an siam thin a. Kum tin metric ton 10-15 vel Sikkim lamah an tha- wn chhuak thin a ni.
Health Minister ni bawk Dr R Lalthang- liana chuan nimin vek khan khum 100 awm theihna tur Serchhip District Hospital building thar sakna tur lungphum a phum a. Ser- chhip District-in Hospital building tha tak an nei thei tur chu lawmawm a tih thu a sawi.
Serchhip District Hospital building sak- na tur sum chu Power Grid Corporation of India Limited (PGC- IL)-in an Corporate social responsibility (C- SR) fund atanga an tum vek tur a nih thu Health Minister chuan a sawi a. “PGCIL-in an CSR fund diltu tha- hnem tak zingah, DPR tha tak tak te an dawn thin laiin, Serchhip district mipuite duhsak taka Hospital sakna tur sum an pe hi a lawmawm hle a ni” a ti.
Health Minister chu- an mipui hriselna sork- arin a ngaihpawimawh avangin nasa takin tichangtlun tumin tan a la niin a sawi a. Mizoram chhung hmun hrang hrangah hmasawnna ruhrel din belh tam tak a awm thu sawiin, chung zingah chuan Siaha, Lawngtlai leh Champhai Hospital building thar hawn tawh te, Mamit Hospital building sak mek zawh mai hmabak te, Champhai leh ZMC a Critical Care Block sak tura bul tan te, JICA nena tangkawpin Cancer Super Speciality Hospital sak tan thuai tura ruahmanna siam te pawh a tel thu a sawi.
Health Department-ah thawktu indaihlohna nasa tak siamthat tuma hmalakna chu hripui leng avangin a sukuk thu Health Minister chuan a sawi a. Doctor leh nurse te a tahtawlin lak chhoh zel tho an nih thu leh ruahmanna pawh siam belh zel a nih thu a sawi bawk.
Serchhip District Hospital building hi th- la 36 chhunga sak za- wh tura ruahman niin, March 2025 ah peihfel hman tum a nih thu so- rkar thuchhuah chuan a tarlang a. Zamzo Engineering Construction and Consultancy, Aizawl-in a sak hna an thawk dawn niin a tarlang bawk a ni.