Spanish champion FC Barcelona in duhthusam a tha in UEFA Champions League bul an tan a, Royal Antwerp lakah goal nga an khung.
Estadi Olímpic Lluís Companys ah hian Barcelona in an mikhual Belgian club lakah hian goal thum khung turin minute 23 bak an mamawh lo.
Portuguese forward loan a an hawh Joao Felix-a’n a club thar a bul a tan that chu chhunzawmin minute 11-naah goal tha a khung.
Minute 19-naah Robert Lewandowski khung tur siamsak ve leh bawkin minute 22-naah Jelle Bataille chuan Raphinha cross atang an lamah a ti lut palh leh bawk.
Second half-ah midfielder Gavi-a’n an goal li na khungin huntawp hma in Felix bawkin a goal hnihna a tauh lut leh a ni.
La Liga champion lai hi tunhnai Champions League season hnih chhunga group stage pel zo lo an ni a. Hetihlai hian an khingpuite hi season liamta khan Belgian champion niin a vawikhatna atan UCL an khel thung.
Inkhel dangah darkar chanve chhunga goal li luhnaah FC Porto chuan Shakhtar Donetsk 3-1 in an hneh a. Porto tan Galeno chuan goal hnih a khung a. Mehdi Taremi in goal dang khungin Shakhtar in Kevin Kelsy goal khat an nei.