Kawhmawh bawl ching, awm tha duh lo leh sual ve pangngai taka mi tam takin an ngaih Kanye West chu Adidas CEO chuan, ‘misual a ni reng reng lo’ a ti.
Sportwear brand hia nnikum khan Israel huatna leh vauna lam hawi chhakchhuah fo vangin Kanye nena an thawhhona an titawp a, Yeezy brand nena kum eng emaw chen an lo thawhhona chu kalpui zel chi-ah an ngai tawh lo a ni.
In Good Company podcast-ah Adidas CEO Bjorn Gulden chuan, “Third party dangte nena thawhhona a awm tawh hcuan heti ang thil hi thleng thei a ni. Game-in a chhawm tel pakhat a ni ve mai a, infiam mi te, entertainer te nena thawhdunnaah a awm fo. Sumdawnna-in a ken tel te pawh a tih theih ang.
“Ka ngaihdan dik takah chuan a thusawi kha a rilru tak taka a sawi a ni lem lova, misual anga chhuah phei chu ka pawm lo. Misual a ni lo,” tiin a sawi.