Khawvel mi hausa tawntawte’n vanthengrenga inkahchhuah a, khawvel danga In leh lo din tuma an hmanhlel hle laiin, tech millionaire Bryan Johns ve thung chuan tar thei lova vul reng turin sum leh pai bakah nitin damdawi mum 110 a hmawm thin.
Kum 46 mi Bryan hi India pawisaa cheng vaibelchhe 3330 vel thutpui meka ngaih a ni a, sum leh pai a hmanna nasat ber chu thih theih lohna turah a ni tawp mai.
Bryan hian kum thum kalta atang tawh khan thih theih loh emaw thihna pumpelh theih ngei tumin beihpui a thlak tan a, tar thei lova that lai chen reng thei turin sum leh pai a seng chho ngar gaar. Hetah hian nitin damdawi mum 110 vel a eiziah a, nitin a zun leh ek enfiahna a nei reng bawk.
Tunah hian he a thil buaipui leh hmalakna liantham takah hian cheng vaibelchhe 33 vel a dah tha hmiah mai a, hemi hmang hian thi thei lova, dam reng mai a tum dawn a ni.
Nitina hun a hman dan te a ulukin, mithiamte’ an enfiah reng bakah amah ngei pawhin hriselna atana tih leh tih loh tur thil te tha takin a zawm a, discipline nei takin a kal chho mek zel.
Kum 46 mi ni tawh mah se, a hmel leh lan dan bakah a taksa peng hrang hrangte hi an la tha hlawm angreng a. A lung (Heart) hi kum 37 mi ang a nih a, taksa peng dang leh ruh te hi kum 30 mi vel lek an la ni bawk.