Las Vegas-ah show neih laklawh laiin, U2 band zaipu Bono-a’n Israel rama music festival neih laia Hamas hovin an suat mi 260 te zahna chibai bukin, remna leh tharum thawhna tel lo chu an tawngaina a nih reng thu a sawi.
Irish singer lar tak hian concert nei a, stage a mawi laiin, hun remchang a chuh vat a, chutah chuan hnuaia lama mipuite hriat theih turin Israel leh Palestine inkara thisen chhuahna rapthlak tak chhuak mek a tarlan rualin, music festival-a Hamas ho pawikhawihna rapthlak tak tuar a, thi ta te a sunna a tarlang.
“Kan unau te tan hian i zai ang u. Israel-a Supernova Sukkot festival-ah khan hlim takin an zai a, nuam ti takin an lam a nih kha. An tan hla kan sa a ni. Kan mite an ni a, mi inphal tak tak te an ni a, music ngaina em em an ni bawk. An tan hla kan sa a ni,” tiin Bono hian a sawi.
Sawi chhunzawm-in, “Israel leh Gaza-a thil thleng atang hian tharum thawhna tel lo hi thil nuihzatthlak leh nuih uar uarna te pawh a ni mai thei. Mahse, kan tawngtai hla erawh remna leh tharum thawhna tel lo hi a ni reng fo ang,” a ti bawk.