Khawvel huap a tyre siamtu lian, Italian company Pirelli chuan kum 2027 season thleng Formula One ah tyre siamtu a ni dawn a, F1 thuneitute nen contract thar an ziak.
An inremna thar hi kum 2025 atanga hman tan a ni ang.
Pirelli hian Japanese company Bridgestone atangin F1 tyre siamtu nih inchuhnaah hian eltu an nei a, nimahsela F1 nena an thawhdunna hi chhunzawm thei dawnin an inremna thar hi an hman zawh chuan kum 18 an thawkdun dawn tihna a ni.
An inremna tharah hian nakkum atangin F1 tyre te hi Forest Stewardship Council in a pawmpui vek tur an ni a. Hei hian tyre siam nan ramngaw atanga mamawhte lak a nih dan chhuina kawngah a pui dawn a, ramngaw tih chereu a nih lohna atana hmalakna a ni.
Khawvela motorsport a thiamna sang tak hmanna F1 hian kum 2030-ah chuannet-zero carbon neih a, khawvel sik leh sa inthlak danglam chak lutuk veng tura hmalatu pawimawh nih a tum a. Boruak a nghawng dan leh leilung hausakna hek lo zawnga inelna kalpui a tum mek.