Manchester United winger Jadon Sancho chuan an club manager Erik ten Hag lakah thupha a la chawi loh avangin squad-ah telh a la ni lova, Old Trafford-ah a huntawp a hmang mek nia ngai tam tak an awm.
September thla tira Arsenal nen an inkhelh tumin Sancho hi squad-ah telh a ni lovat, hei hi inkhel zawhah chanchinmuten an kawmnaah Ten Hag hi Sancho tel loh chhan zawh a ni.
Red Devils manager hian Sancho chu training-ah a tih that tawk loh avangin a telh lo niin a sawi.
Hei hi Sancho hian social media kaltlangin a chhanglet a, a manager hian dawt a sawi niin a puh.
Kum 23 mi hi Ten Hag hian a squad-ah a squad-ah kirlet turin kawng la hawn mahse amah mimal leh vantlang laka thupha a chawi phawt loh chuan a ko kir dawn lo niin an sawi. Hei vang hian United in January hian hralh maii an pawi ti lo.
Pound maktaduai 73 a kum 2021 a an lei Sancho hi a khelhchhiat avangin a hlutna a tlahniam viau a. January ah chhuak dawn pawh nise a man a hniam dawn mai piah lamah kar khata Pound 300,000 hlawhna contract a nei a, hetiang ang zat hlawh pe thei club hi an tam lo.