Adult magazine lar tak Playboy chuan pornstar hlui Mia Khalifa chu Hamas ho thlawp zawnga thu leh hla a neih vangin app atangin a channel an tihtawpsak bakah thawhhona contract an khar zui nghal.
Mia hian Israel-Palestin indona nasa tak kal mekah Palestine leh Hamas thlavang hauhin, social media lamah a che na ang reng a. Hei hi Playboy magazine enkawltute chuan, ‘tenawm leh tha lo tak’ ah ngaiin, Hamas hovin Israel an beih thutnaa a lo lawm chiam leh pawisawi lo te thihnaa hlim taka a khawsa vel chu an pawm thei lo.
Palestine te tan a ding reng a, an tawrhna hriatpuiin, midangte pawh a thunawn hi zawm ve turin ngenna a siam. Heti anga social media kaltlanga sawmna a siam hi mi tam takin an ei lova, Palestine thlawp lo te chu history dik lo lama kal ah puhin, chi inthliarna kengkawhtute ang hialin a chhuah bawk.