Barcelona forward Lamine Yamal chu Spain squad atangin a inhnukdawk a, tunkar a Euro 2024 qualifier a Scotland leh Norway an hmachhawn hunah a tel ve dawn lo.

Kum 16 mi Yamal hian Thawhtanmni khan Spain training camp hi a zawm a. Barcelona lam hian Royal Spanish Football Federation hnenah a kawngah hliam a nei tih hriattir tawhin inlan lo se an duh.

Nimahsela ram FA lamin an tih fo thin angin Spain in player hi anmahni ngeia enfiah an duh a, a hliam hi endik a nih hnuah Spain camp atangin a inhnuhdawh thu an puang.

A hliam vang hian Yamal hi club football-ah erawh chawl rei lutuk lo tura ngaih a ni a. October 28 a Real Madrid nen El Clasico an khelh hunah a inkhelh theih beiseina a awm.

Barcelona in player pawimawh inhliam an nei nual a, Pedri, Frenkie de Jong, Raphinha, Robert Lewandowski leh Jules Koundé ten Real Madrid an hmachhawn thei ang em tih a chiang lo vek.

Saka pawh

Arsenal forward Bukayo Saka pawh a coach Mikel Arteta in England tan a inkhelh theih a beisei loh thu a sawi hnuah England medical team in an endik a, squad-ah telh a ni lo.

England hian October 13 hian Australia an hmachhawn anga, ni li hnuah European Championship qualifier-ah Italy nen an inkhel leh ang.

Saka hi England in player 25 an ko zingah a tel a, an medical team in an endik hnuah St. George’s Park atang in la chhuakin England in a thlaktu an ko lo.

Arteta chuan a player hi a chawlh rih deuh tur sawi tel mahse eng ang taka rei nge a nih dawn tih a sawi lang lo.