UFC middleweight Paulo Costa chuan karleh lehpek Inrinni zana neih tur UFC 294-ah Khamzat Chimaev hmachhawn dawn mahse kar thum kalta khan a kiu an zai thu a sawi.
Brazilian fighter hian tunkar khan a kiu hliam chungchang hi a sawi a, a dam chian thuai theih nan a zai tir a nih zawk thu a sawi.
14-2 MMA record nei middleweight title chuh tawh Costa chuan, “Ka inhnukdawk lovang, vawi 100 intum ila vawi 99 ka hneh theih tur a ni a, doctor in a phal lo a nih loh chuan kan inhmachhawn ngei dawn.” tiin a sawi.
12-0 record nei Chimaev nena an inhmachhawn tur hi mixed martial arts khawvelin a nghahhlelh a ni a, an pahnih hian kuminah cage an la lut lo ve ve.
UFC 294 hi Abu Dhabi a neih tur niin karleh Inrinni zan dar 11:30-ah an nei tan ang.