Mizoram tleirawlte 29th Charanjit Rai, Nehru Hockey Tournament for Girls U-17 ah an champion a. Nilaini khan final-ah Jharkhand 4-3 in an hneh.
He tournament-ah hian Mizoram aiawhin Lalengvunga High School te an kal a, Shivaji Stadium a final inkhelah hian Malsawmsangi Pachuau leh Laltlanchhungi ten goal hnih ve ve CM Excellent High School, Jharkhand lakah an khung.
Laltlanchhungi hi Player of the Tournament a thlan a ni a, Mizoram coach Lalrothuami chu Best Coach a ni bawk.
Mizoram team :
- F. Lalbiaksiami
- Malsawmkimi
- Laltlanchhungi
- Lalneihpuii
- Manglawmsang
- Laldinpuii
- Vanlalrinhlui
- Elizabeth VL Lawmkimi
- Lalpeksangi
- Ruthi Lallawmzuali
- Zothanmawii
- Lalfakawmi
- Lalnunfeli
- Saitluangpuii
- Remruatpuii
- Malsawmsangi
Coach: Lalrothuami, SAI WHTC, Thenzawl
Manager: F. Vanlalveni, SAI WHTC, Thenzawl