Australian Open tournament chief Craig Tiley chuan nakkum a inelna buatsaih a nih hunah kumin a kawng hliam avanga zai tawk Rafael Nadal chu a tel tur thu a sawi.
Spanish star vawi 22 Grand Slam tournament a champion tawh Nadal hi kumin January hnuah a la inkhel leh miah lova, June thla khan zai a tawk.
Kum 37 mi Nadal hian nakkum season zawh hian tennis chawlhsan a tum tawh thu a sawi.
Nadal hi kumin Australian Open round hnihnaah a tlawm hnuah Tiley chuan, “Tunah hian Rafa hi kan tournament-ah hian a lo kir leh dawn tih kan sawi thei tawh. Kum khat dawn a chawl tawh a, tunhnaiah kan inbe fova, ani pawhin a lo kir leh tur thu a sawi a, kan phur tawh hle.” tiin Nadal nen an inbiakna a sawi chhuak.
Hmeichhe champion tawh Naomi Osaka, Angelique Kerber leh Caroline Wozniacki te chu nau neih avanga an chawlh lailawk hnuah an kir tur thu a sawi tel bawk.