Miss Universe-in kum 72 hmel a hmu tawh chung pawhin Pakistan hian an ram aiawh tur pakhatmah a la tir chhuak ngai lo. Tunah erawh an hriat loh lam daih atangin an ram aiawhtu tur Kristian nula a dingchhuak nawlh.
Kum 24 mi Erica Robin hi Karachi khawpuia piang leh seilian niin, Miss Universe -ah Pakisan ram, Muslim ruh leh khawng tak te awmna aiawh tur a nih tak chiah ah chuan sokar hruaitute leh sakhaw lam thuneitute an sa nghal nasa mai.
Jammat-e-Islami party atanga thlantlin Senator Mushtaq Ahmed chuan, ‘Thil zahthlak leh mualphona tawpkhawk’ a tih laiin, Caretaker Prime Minister Anwar ul-Haq Kakar pawhin chhui chiang nghal turin thupek a siam nghal.
Social media lamah inhnialna leh thu inchuhna nasa tak hring chhuak nghalin, mipa lam an ‘active’ nasa hle.
Maldives-a neih zawh tak finalist panga atangin Miss Universe Pakistan atan Ms Robin an thlangchhuak.
Amah sawiseltute chuan, ram aiawh duh lo ram aiawh ve ngawt tur chu an duh lo hle a, Muslim tamna ram Paksitan-ah hian heti anga Miss thlanna hi a phe zeuh pawh hmuh leh hriattur a awm ngai lo bawk nen, boruak rit tak a siam mek.