Pakistan in mipa cricket chanchin a World Cup record an siam a, Sri Lanka lakah wicket ruk a hnehna chang turin run 344 an siam chu an um hlawhtling. Hei hi World Cup inkhel a chak tura run um hlawhtlin tam ber a ni.
Hyderabad a Thawhlehni a inkhel hi tun tournament a hmuhnawm ber tia chhal ngam a ni a. Over 50-ah Sri Lanka in vuak chhuah hnem avangin Pakistan hmabak a ko.
Pakistan in wicket hnih an hlohin run 37 chiah an la siam a, mahse Abdullah Shafique leh Muhammad Rizwan partnership chuan ball 156 atang run 176 a hring a, hei hi innghahna rintlak niin run 31 siam Saud Shakeel a tangkai bawk a. Over 48.2-ah an mamawh run 345 an siam.
Pakistan tan Rizwan chuan hnung hliam leh chawn tha chat nei mahse khel tluan theiin ball 121 atang run 131 a siam. Shafique chuan run 113 a siam.
Sri Lanka tan middle order-ah Kusal Medis leh Sadeera Samarawickrama te an che tha a, run 51 siam opener Pathum Nissanka pawhin bul a tan thatpui.
He inkhel hi World Cup a match khat a century siam pali awm vaiwkhatna a ni a. Pakistan vawi hnih an chak zawnna niin Sri Lanka an tlawm zawn thung.
Match Summary
Sri Lanka 344/9(50 Overs)
Kusal Mendis122 (77)
Sadeera Samarawickrama108 (89)
Hasan Ali4/71 (10)
Haris Rauf2/64 (10)
Pakistan 345/4(48.2 Overs)
Mohammad Rizwan*131 (121)
Abdullah Shafique113 (103)
Dilshan Madushanka2/60 (9.2)
Maheesh Theekshana1/59 (10)