ZPM in West Phaileng Dinthar kawna nimina mi thar lawm luh inkhawm an buatsaih hmanpuitu, ZPM Leader Lalduhoma chuan sem ni lovin thawhrimna hmanga ram siam a tul tih a sawi.
Lalduhoma chuan rorelna siam tur hian mipuiten thil tih theihna sang tak an nei tih sawiin, “Kan rama roreltu kan duh tawh loh leh kan nin tawh chu mipuiten kan paih thla mai thin. Sorkar ding lai thlak nan chuan pahnihna nih a ngai a, mipuite hian sorkarna kan duh ni lovin, sorkarna siam tura kan rin kan vote tlangpui thin a ni,” a ti.
ZPM leader chuan tuna mipui titi leh hawiher ngun taka an thlir chuan ZPM hi sorkar turin an ring ber a. Hei hi ruling lai party leh party dang pawh hian an pawm nia a lan thu a sawi.
ZPM hian Pathian leh mipuite zarah sorkarna an chang a nih chuan policy mumal tak duan sa an nei tih sawiin Lalduhoma hian, “Ram pum huap manifesto kan nei a, chumi rual chuan bial hrang hramgin kan mamawh a inang lo va, hmun hrang hranga kan candidate-te hnenah pawh an bial chhungah manifesto an neih kan phalsak a ni,” a ti.
Lalduhoma hian, ZPM chief minister-in Works Department a chang ve dawn lo va, a minister leh MLA te a vil dawn tih a sawi bawk.