Ultimate Fighting Championship in karleh Inrinni a pay-per-view event a buatsaih tura main event chu a thlen theih dawn loh hnuah rang taka hma la in an insiamrem a, a hma a main event aia lian zawka chhal ngam an siam dawn.
UFC lightweight champion hlui Charles Oliveira chu a inhliam a, karleh Inrinni zana Abu Dhabi a UFC 294 neih turah lightweight champion lai Islam Makhachev a hmachhawn thei dawn lo tih UFC president Dana White cjiam a sawi chiang.
Oliveira thlaktu tur hi featherweight champion Alexander Volkanovski a ni dawn a, ni 11 chauh awm tawh mahse Makhachev hmachhawn leh hi a inhuam a. White chuan inremna nei turin vawikhat bak inbiak a ngai lo tih a sawi.
Oliveira hi Thawhtanni a training a neihnaah ‘sparring’ an neihlaiin a mit ko ah tauh niin a kak thuk a, hei vang hian UFC lam nen inremna neiin a dam fel hman dawn loh avangin inhnuhdawh an ti ta zawk a ni.
Makhachev chuan, “Khingpui thar nimahsela ka ruahmanna a danglam lo. Ni tlemte awm chunga a pawm avangin ka zah hle. A huai a, a tlo bawk. Hneh dawn chuan reh tlawm emaw hnek tluk a ngai dawn.” a ti.
Kumin February khan fighter pahnihte hi lightweight title inchuhin an inhmachhawn tawh a, unanimous decision in Makhachev hian hnehna a chang a ni.