Arunachal Pradesh Chief Minister Pema Khandu chuan sorkar laipui chu an state hmasawnna turin pawn lam atanga fund tam zawk pe turin a ngen a, pawn lam aagency a sawite hi Asian Development Bank (ADB) leh World Bank (WB) ang chi an ni.
China nena innghirnghona avangin Aunachal Pradesh-ah hian ADB leh WB atangin sum (fund) a hmu thei rih lo va. Khandu chuan Defence Minister Nirmala Sitharaman tel vena inkhawmah hei hi sawiin, “Sorkar laipui hian kan thenawm, China hi inkungkaihna tha zawk nei tura dawrin kan harsatna hi a chin fel a ngai a ni,” a ti a. India leh China inkar a that chuan Arunachal Pradesh chu a hlawkna teltu tur a nih thu a sawi.
Defence Ministry-in an state-a China nena an inrina bawra hma an lakna chu a fak bawk a. “Prime Minister Narendra Modi-a lal hnuah ramria Army leh CRPF duty-na tur post-te siam tan nghal a ni. Kum tam tak chhung sipaiten ram an luah hleihtheih lohnate pawh tunah chuan chinfel a ni tawh,” a ti bawk.