MLA inthlan lo awm tur atana inbuatsaihna kal mekah nimin khan Mamit district-a Sector Officer/ Magistrate 15 te pualin training buatsaih a ni a. District Election Officer VL Remliana’n Section Officers/ Magistrate kalkhawmte chu an duty-na huamchhunga polling party tin te enkawl danah te, report pek dan ah te, inthlanna hmanrua EVM leh VVPAT a harsatna awm thei hrang hrang te chinfel dan tur leh report danah te fimkhur leh uluk taka an ngaihtuahna hmang theuh turin a chah.
Election felfai tak neih theih nan leh mitinin zangkhai taka vote an thlak theihna tura thawkho turin DEO chuan a sawm a. Magistrate awmzia a sawifiah bawk.
Training-ah hian SDO (Sadar) Carolyn L.B. Khiangte-in Election Commission-in Sector Officer/ Magistrate te hna tura a tarlante chu zirtirna a pe a. Sector Magistrate ka-l khawmte hian an hriatt- hiam loh lai te, harsatna la awm palh thei thil te leh chung a lo thlen palh pawha chinfel thuai a nih theih dan tur te zawhna leh sawihona hun an hmang bawk a ni.
Section Officer pak- hatin Polling Station 8 atanga 10 an vil a. Ma- mit District-ah hian MLA bial pathum, Ha- chek, Dampa leh Ma- mit bial awmin, Mamit district-a bial pathumah hian voter 64787 an awm mek a ni.