Shanghas Masters khelh mekah seeded number one nihna changtu Carlos Alcaraz chu a tlawm a, round of 16-ah Grigor Dimitrov-a’n a hneh.
Kum 20 mi world number two ni lai Alcaraz hian a zawna game thum la in set khatna la mahse Dimitrov hian a nawrlet na viau a. A tawpah hlawhtling ta zawkin 5-7 6-2 6-4 in hnehna a chang.
Bulgarian mi Dimitrov hi seeded number 18 niin vawiin chawhnu hian seeded number 22 changtu Nicolas Jarry nen quarter-final ah an inkhel leh ang.
Kum 32 mi Dimitrov hian kum 2017 a ATP Finals a champion hnuah a ATP title hmasa ber lak tumin a bei leh mek a. “Tha takin ka la inkhel thei a, chuti mai a liam ka la tum lo.” tiin champion leh ngei a la tum thu a sawi.
Kum 28 mi Jarry hian quarter-final lut turin 6-3 5-7 6-3 in Diego Schwartzman chu a hneh ve bawk a. Covid 19 hrileng hnua Shanghai Masters khelh leh hmasak berah semi-final khelh tuma beihna remchang a nei dawn.