Govt. Ch. Chhun- ga High School-in nimin khan Luangmuala an school tual- ah Golden Jubilee an lawm a. School Education Department Secretary Dr Lalzirmawia Chhangte-in a hmanpui.
School Education Department Secretary chuan zirna pawim- awhna leh hlutna sa- wiin, zirna chu a zau zawnga sawi chuan pian hlim ațanga thih ni thle- ng huam a nih thu a sa- wi a, “Kan nun pumpui hi zirna a ni” a ti.
Zirlaite chu exam-naa pass ringawt tum lova thiamna tak tak neih tum tur te, an zirlai chu midang te hrilh chhawng thei tur khawpa chik tur te, chhawrtlak leh hmantlak nih tum tur te in Dr Lalzirmawia chu- an a chah.
Zirtirtute pawh zi- rtir dan ngai reng hm- ang lova, a hunlai mi- la inherrem thei turin a chah a. Ram chang- kang ten an tih theih ang chu ti ve thei tura chahin, “Hriatna hi thiltihtheihna a ni a, hriatna chu zirna ața- nga neih a ni a, hriatna leh thiamna kan neih chu ral ve thei lo, rohlu a tling a ni” a ti.
Dr Lalzirmawia Ch- hangte chuan Golden Jubilee hriatrengna lu- ngphun hawngin, souvenir a tlangzarh bawk.
He hun hmanpuitu dang Director School Education Lalsanglia- na pawhin thu sawiin, Ch Chhunga High school chu hmunhma nei tha tak, thawktute țhahnemngaia an che- tna hmuh tur awm a nih thu sawiin, lawmawm a tih thu a sawi a. Zirna sikul enkawl kawngah sorkar kut nghak ngawt lova thawktu ten an thawh theih tam tak a awm thu a sawi.
Hlawhtlinna chu vawilehkhata neih mai theih a ni lo tih sawi- in, zirlaite chu hrehawmna leh harsatna inbawhbehtir lova, chhel taka kal tur te, sorkar, khawtlang leh kohhrana mipawima- wh ni thei tur khawpa inchher puitling turin a fuih a. School hall sak thar a hawng nghal bawk.
Mizoram Chief Minister hmasaber, he sikul hmingputu Ch. Chhunga nupui, kum 99 mi Rothangi’n Jubilee cake zaiin, thu a sawi bawk a. Hun hm- asa lama school-in har- satna a tawh dan te, Ch Chhunga hming dai lo- va siamtu an nih avanga a lawmthu te a sawi.
Govt. Ch Chhunga High School Headmi- stress Lalrinsangi’n a sawi danin, Ch Chh- unga High School hi Feb 14, 1973 ah Rop- aiabawkah mițhahnemngai ten an din a, 1975-ah tuna a dinna Luang- mual-ah hian sawn niin, kum 1991-ah sorkar sikulah hlankai a ni.
He sikul ațang hi- an mi 1229-in HSLC an pass tawh a, kum 1996 ah HSLC exam centre a ni a, school 12 vel kumtin an exam țhin. Kum 2022-ah Samagra Shiksha ațangin Higher Secondary school-ah hl- ankai a ni a, thawktu High school leh Hig- her secondary ah 21 an awm mek a, zirlai 108 an awm mek bawk.