Indian pa pakhat chu chawngkawra a nupui chuktira thattua puhnaah thiam loh changtir a ni a, India-a hremna pek khât tak, dam chhung vawi hnih tang tura hrem a ni.
Sooraj Kumar-a hi nikum khan a nupui, Uthra-i thihna thu-ah man niin a nupui hi rul chuk vanga thi a ni.
A nupui chhungte hian thah ni ngeiin an ring a, police-in an chhui zui.
Thawhtanni khan court chuan thiam loh chantirin Uthra-i a mut lai hian chawngkawrin a chuktir niin a sawi.
Kum 25 mi, a nupui hi nikum May khan an chenna inah hian a thi a ni.
A chhungte chuan a hma kar lawkah Uthra-i hi rul chi khat, Russell’s viper an tihin a lo chuk tawh bawk avangin a chuk nawn leh chu an ringhlel a. Rulin a chukna hmasa laka a dam chhuah leh tan mek laiin chawngkawr hian a chuk leh ta a ni.
Police-in an chhuinaah chuan Sooraj-a hi heng rul chuk pahnihah hian a titu ni ve veah an chhal a. A chuktu tur rul lo ngaihtuahsaktu mipa pakhat pawh man a ni a, ani hi inpuangin hma an lak dan hi police hnenah a puang a ni.