ZPM Working President K Sapdanga’n ZPM chuan eiruknain a tihbuai loh sorkar din an tum thu a sawi.
Nimina Aizawl North III huam chhung, ZPM Chanmari West Unit II-ten Election Information Centre an siam chu Aizawl North III ZPM official candidate K Sapdanga’n a hawng a. Thu sawiin, “Aizawl North-III bial lo ni ta mipuite hian Mizoram UT 1972 atang khan ruling party hlir kan la thlang tling a, hei hian he bial mipuite rilru hi a fim a, a huaisen a, sum leh therhlo mai maiin mipuite duhthlanna a su nghing zo lo tih a tichiang a ni,” a ti.
ZPM party hian corruption tihbuai loh sorkar din an tum tih sawiin K Sapdanga chuan, “Official candidate-te pawh corruption laka fihlim turin kan intiam tawh a, hun remchangah Val Upa Council buatsaihin ziakin kan intiam leh dawn a ni,” a ti.
Aizawl North-III bial mipuite chu sorkar thianghlim din tura hmahruai turin an tling tawk tih sawiin, “He bial rawngbawltua thlan tlin ka lo nih ve chuan he bial lo enkawl tawhtute hmachhawp chhuanawm tak takte hi chhunzawm turin theihtawp kan chhuah ang,” a ti.