Formula 1 chanchin a intlansiak ngaihhlut leh hmuhnawm ni fo thin, Belgian Grand Prix chu kum 2025 thleng neih turin contract thar an ziak.
F1 calendar-ah inremna an neihlai hi nakkum intlansiak zawha tawp tur a ni a, kum khatin an pawtsei tihna a ni.
Circuit de Spa-Francorchamps a neih thin intlansiak hi driver-te leh fans te ngainat hlawh tak a ni a. Khawvela tlankawng harsa leh hmuhnawm pawl a nih thin avangin ngaihhlut a hlawh.
Nimahsela he tlankawng hi a upa tawh a, a hmunhma vel a hlui tawh avangin F1 lamin calendar a telh tawh loh thlengin a ngaihtuah hman.
Nimahsela F1 hian an inremna an puanzar rual hian he tlankawng hi tunhnaiah nasa taka cheithat a ni a, hei vang hian intlansiak neih chhunzawm zel nan a tlak niin an sawi.
Hei bakah hian kuminah nikum aiin entu mi sing hnih chuangin an pung a, kartawp chhungin mi nuai thum leh sing riat velin a hmunah an en thu an sawi bawk.