Australia in Men’s Cricket World Cup chanchin a an tlawm chian ber tum an hmang a. South Africa in run 134 in an sawp.
Ningani zana Lucknow a inkhelah Australia hian chak turin run 312 siam an mamawh a. Mahse an batting in beisei pha lo hle in over 40.5 ah an out zova, run 177 bak an tlin lo.
Hei vang hian Australia hi an match hmasa pahnihah an tlawm tihna a ni a, World Cup bikah a zawnin match li an tlawmna a ni.
- An in ngam lo
Australia in toss-ah vanneihna changin vawm an thlang a. South Africa tan batsman rinrawl Quinton de Kock chuan tun tournament a a century vawi hnihna a siam a, run 109 siamin an tan kawng a sial tha hle.
De Kock hian a hnampui AB de Villers chu Men’s Cricket World Cup a a zawna match hnih century siam thei ni turin a zawm ve bawk a ni.
South Africa hian over 50-ah run 311 an siam a, wicket sarih an hloh. Aiden Markham chuan ball 44 atangin run 56 siamin a thlawp a. Batsman dangte pawhin dinpui rei lo mahse run engemaw zat an siam hman zel.
Australia in target sang tak umin beisei an pha lova. Over 10 an din hma in wicket thum an hloh a, run 50 bak an siam thei lo.
Zing taka wicket hloh zel bawkin run 46 siam Marnus Labuschagne chu an team atanga run siam hnem ber a ni a. An lower middle-order ah Marcus Stoinis chu sawi hlawh taka a out hnuah wicket 6 hlohin run 70 chiah an la nei a, an tan beisei tur a awm lo zui ang tluk a ni.
Australia hian Sri Lanka an hmachhawn leh dawn a, an tan chak a pawimawh tawh. Hetihlai hian South Africa in Netherlands an hmachhawn ve thung ang.
South Africa captain Temba Bavuma chuan, “A thahnemngai zawnga thlir chuan kan bat khan a tawp lamah kan che tha tawk lo. Mahse kan vawmin kan che tha hle a, kha vang khan kan result tiang hi a ni.” tiin a sawi.
- Match Summary
South Africa 311/7 (50 Overs)
Quinton de Kock 109 (106)
Aiden Markram 56 (44)
Mitchell Starc 2/53 (9)
Glenn Maxwell 2/34 (10)
Australia 177 (40.5 Overs)
Mitchell Starc 27 (51)
Marnus Labuschagne 46 (74)
Keshav Maharaj 2/30 (10)
Kagiso Rabada 3/33 (8)