Aizawl: Mizoram Taxi Association (MTA)-in MTA member, MTA sticker bel ngeite chauh hmang thin turin mipui an ngen a. Hei hi taxi-a thil theihnghilh leh thil dangah pawh a him niin an sawi.
MTA hruaitute chuan nimin khan Aizawl Press Club-ah thuthar thehdarhtute kawmin he thu hi an sawi a. MTA member hriat hran theihna sticker chu taxi darthlalang hma lam leh hnung lamah bel a awm tih sawin, sticker var bialah MTA tih leh number, a sena inziak leh GIG MOTORS tih inziak a awm thu an sawi.
Aizawl taxi-ah thil theihnghilh a tam hle nia sawiin MTA hruaitute chuan taxi chu hlawm hniha an kal thu an sawi a. MTA la zawm rih lo taxi 200 vel an awma an hriat thu sawiin, mipuite chu taxi an hman dawnin stand-a mi ngei hmang thin turin an chah a. A tlan lai phar an hmang dawn a nih pawhin MTA member, MTA sticker bel ngei hman a him thu an sawi bawk.