Zo Ri-mawi International Charity Group chuan, a vawikhat nan Vohbik (Rualbanlo) te pual liau liau in, Reality Show ZRI Vohbik Gots Talent 2023 a buatsaih dawn.
Hemi chungchangah hian October 12, 2023 zana Executive Meeing chuan an kalpui dan tur tlangpui he tiang hian a rel nghal a ni.
Lawmman Pakhatna atan hian Rs 1,00,000 leh chawimawina thuziak a ni ang a, Top-10 tan Rs 5000 leh chawimawina thuziak ani anga, tin hei bak ah hian lawmman dawng tu ten a, an mamawh tur ang thildang hlan tel bawk nise an ti.
National Childrens day, November 14 hian Vanapa Hall ah Zaithiam te leh Federation of Mizoram Disable Organisation te nen, a khuhhawnna Programme hman tur ani ang. He Programme hian December 2 thleng a awh anga, Zarkawt YMA Hall ah Grand Finale hman ani ang.
An Pawl President Lalrozama Ralte chuan kan ramah intihsiakna ropui tak tak, buaisaih ani fo tawh thin a, nimahsela Vohbik(Rualbanlo) te lam kan hawi ngailo, an harsatnate leh Pathian hnena malsawmna an dawn, Tallent ropui tak tak an neih te pawh kan ngaihtuah sak ngai lova, chawimawi an phu na ah pawh chawimawina chang kan hre lem lo.
Chuvangchuan heng kan unau Vohbik (Rualbanlo) te hi tanpui an ngaihna laia kan tanpui theihnan leh Pathian malsawmna Talent ropui tak an neih te hi kan hlutpui a, an theih zia kan hmuh a, midangte aia an nep bikloh zia, entawntlak annihna laite kan hmuh theih nan leh an mahni siamtu Pathian ropui nan he ZRI Vohbik Got Tallent 2023 hi buaisaih ani, ati.