Larsap Dr. Hari Babu Kambhampati chuan nimin khan Woodland Hills, Zonuamah Nursing College, RIPANS-in BSc zirlaite puala graduation leh lamp lighting vawi 23-na a buatsaih chu a hmanpui.
Governor chuan eizawnna satliah mai ni lo, rawngbawlna leh hna zahawm ni kawp, nurse zirna bultanna atana khawnvar chhia thutiam la tharte chu a lawmpui tih a sawi hmasa a. BSc Nursing zirchhuak tharte pawh an hna thawhna turah leh an kal zelna turah duhsakna a hlan nghal bawk a ni.
Hun hi lawmthu sawina leh RIPANS hnathawh dan tlangpui tar lanin Prof Sanjay D Sawant, Director, RIPANS chuan bul a tan a. Hemi hnuaah hian First Semester chuan Lamp Lighting & Oath an nei nghal a. C. Thankhumi, Nursing Superintendent, Synod Hospital chuan he hunbik hi a kaihruai a ni. Nursing College, RIPANS chungchang bikah Pi Lalfamkimi, Principal chuan report tawi a pe a. Hemi hnu hian citation leh proficiency award sem chhunzawm nghal a ni. Nursing Graduate te chuan Prof Sanjay D Sawant, Director, RIPANS hnen atangin citations an dawng a. Zirlai tithazual te chuan Governor Dr Hari Babu Kambhampati hnen atangin proficiency awards an dawng thung. Programme hi Laldinpuii Sailo, Convener, Organising Committee chuan lawmthu sawiin a titawp a ni.