India rama tualchhung T20 inelna sang Syed Mushtaq Ali Trophy khelh mekah Mizoram in tun season senior level a tournament hmasa bera an hnehna hmasa ber an chang a. Meghalaya chu run 20 in an hneh.
Ningani a Jaipuria Vidhyalaya Ground a inkhelah hian Mizoram tan outstation player Agni Chopra a che tha a, bowler Vanlalremruata che tha hle bawkin wicket thum la in Mizoram tana chakna hnar an ni.
Meghalaya in vawm an thlang zawk a. Opener Mumbai tlangval Agni Chopra chuan ball 48 atang run 94 a siam a. 6 runs vawi nga vua in 4 runs vawi 10 a vaw bawk.
Tualchhung batsman Jehu Anderson chuan run 19 siamin Joseph Lalthankhuma chuan run 12 a thawh bawk a. Mizoram in over 20-ah run 163 an siam.
Meghalaya in an top order batsman-te wicket an hloh hma hnuah an tana ding rem hman run 36 siam Lerry chu Vanlalremruata’n a wicket a la a. Run 21 siam Junjun Sangma wicket la bawkin over 20-ah run 143 bak an siam thei lo.