Pakistan chuan tun hnaia India-in Russia atanga S-400 missile defence system lei tuma thutlukna a siam chuan ram pahnih inkara ralthuama intlansiakna a tithar leh niin a sawi.
Foreign Office-in thu an chhuahah India-in ralthuam lei a tum avang hian anni tan pawh Ballistic Missile Defence (BMD) System chu lei ve lo thei lova a siam thu a tar lang a. “S-400 lei tumna hian South Asia-a inrintawnna awm a tichhia a, ralthuama intlansiakna a tinung thar,” a ti.
India leh Russia hian S-400 air defence system inleisakna tur hian tun thla tira President Vladimir Putin-an New Delhi a tlawh tuma Prime Minister Narendra Modi nen an inkawm khan an tifel a ni.