Manchester United midfielder Casemiro chu ram tana a inkhelh hnuah club lamah a la kir ve lova, hliam tenau a neih avangin an ramah inenkawl dam phawt turin club lamin an tih avangin Carrington-ah a kir ve lo.
Zirtawpni a Brazil leh Venezuela an inkhelh tumin Casemiro hi a inhliam a, mahse Thawhlehni zana Uruguay laka an tlawm tumin minute 90 a khel tling tho.
Ningani khan Casemiro hi United-ah kir tur nimahsela a inenkawlna in awmzia a neih thui zawk nan Brazil-ah cham rih club lamin an phalsak a. Zanin a Sheffield United nen an inkhelh tumin a tel ve dawn lo.
Karleh lamah Carrington-ah hian kir tur a ni a, mahse Galatasaray lakah red card a hmuh avangin Old Trafford-ah FC Copenhagen an hmachhawn hunah a khel ve dawn lo leh bawk.
United hian kum 31 mi hliam hi na tak a ni lova, Manchester derby-ah an thenawm Manchester City a hmachhawn ve theih an beisei.
Midfield-ah a hmunruak luah thei tur Sofyan Amrabat chu Morocco tana a khelh tumin inhliam angin sawi nimahsela Zirtawpni khan United training-ah a tel a ni.