Central YMA chuan nimin khan thuchhuah siamin, tun hnaia social media-a Central YMA Vice President Lalhmachhuana chanchin dik lo taka tihdarh a ni chu an ngaih thu tak hle thu an tar lang.
An thuchhuah chuan, Central YMA Vice President Lalhmachhuana chu hnam dang, Assamese thlah ni anga dawta puhna, social media-a thehdarh a ni chu an ngaih thu tak hle tih tar langin, “Lalhmachhuana hi Pu Chawngthuama (L) leh Pi Remsiami te fa naupang ber niin, Chaltlanga piang leh seilian a ni a. Unau pianpui mipa pakhat leh hmeichhia pahnih a nei a. Pu Lalhmachhuana pu (a pa hringtu) hi Pu Kaiphunga (L), Chaltlang, Aizawl a ni,” an ti.
Hemi chungchanga nimina Central YMA Executive Committee meeting thukhawm chuan a ngai thutak hle a, hetianga dik lo taka inpuh hmingchhiatna hi tun hnuah thleng tawh lo tura an duh thu an tar lang bawk.