MLA inthlan lo awm tura inbuatsaihna kal mekah nimin khan Kolasib District Election Officer John LT Sanga’n thuthar thehdarhtute a kawm a. MLA inthlan buatsaih tura Kolasib district inbuatsaihna kalpui mek chungcha- nga thil pawimawh hrang hrang a sawi.
Kolasib DEO chu- an MLA inthlan lo awm atana inbuatsaihnaah sorkar official-te bakah, NGO, MPF, MJA leh political party hrang hrangte thawhpuinaah lawmthu sawiin, a bik takin thu pawimawh puanzar kawngah leh mipui zirtir kawngah District MJA te tha- whpuina hlu a tih thu a sawi a. Journalist-te chu thu lai la tak leh mipui tana pai nuam taka thu theh darh thin tur leh a tha zawnga mipui zirtirna a tam thei ang ber thai- lang thin turin a chah.
DEO chuan inthlan kaihhnawiha complaint leh report the- hluhna tur control ro- om a function reng thu leh election team hrang hrangte pawhin tha taka an mawhphurhna hna an thawh mek thu sawiin, Voters’ Helpline (1950-toll free) leh cVIGIL app te tangkai taka hmang turin mipuite a chah a. Kolasib District-a MLA bial pa- thumah chuh tuma hming pelut mi 13 an awm thu sawiin, nomination an file lai chu cctv leh video-a thla lak vek a nih thu te, candidate ten inthlan campaign sensovah Rs. nuai 28 aia tam an hman a rem loh thu leh hemi pual liau liauva hman tur bik designated bank account a hrana an hawn vek a tul thu te, an chet velna leh senso te election buaipuitu lam atanga vil reng a nih thu te a sawi.
Tuirial bial Retur- ning Officer Melody Ngurthantluangi leh Serlui bial Returning Officer Lalmuan Puia ten an biala nomination luh dan an report a. Election Officer Christina Lalmuan- zuali’n BLO-te leh ERO ten District chhunga polling station 89-ah te eng, tui thianghlim, inthiarna leh ramp mamawh a awm kim leh kim loh an endik vek tawh bakah, Sector Officer ten tum hnih an tlawh chhuak vek bawk tih sawiin, siamthat leh thuamthat ngai te thuam that mek a nih thu an sawiu.
Nodal Officer for Postal Ballot F. Lalnisai’n election duty ten postal ballot-a vote an thlak theihna tur ruahman a nih thu leh kum 80 chunglam leh pianphunga rualbanlote tan postal ballot-a vote thlak theihna ruahman a nih thu a sawi bawk.
Sorkar thuchhuahin a tarlan danin election duty tur te atangin postal ballot-a vote thlak dilna, Tuirial bialah 160, Kolasib bialah 311, Serlui bialah 149 leh district dangah 180, a zavaiin dilna 800 a lut tawh a. Absentee voter atangin postal ballot-a vote thlak dilna 105 (senior citizen 83 leh PwD 22) a lut tawh bawk a, in lama vote thlak tur absentee voter-te hi mobile polling team-in an in lamah an kalchilh dawn a ni.
MLA inthlan lo awm turah hian Kolasib District-ah polling station 89 awmin, Tuirial bialah polling station 26, Kolasib bialah polling station 29 leh Serlui bialah polling station 34 a awm a. Pink polling station (hmeichhe hlang duty-na) Tuirial bialah 3, Kolasib bialah 4, Serlui bialah 3, a vaiin 10 buatsaih a ni dawn.
Intlar ngaihlohna (queless) polling station atan Kolasib Project Veng P/S chu ruahman niin, Chawngfianga Middle School chu Model Polling Station atan cheibawl mek a ni a. Polling station 60% chu web casting ti tura ruahman a ni bawk.
Hnahthial DEO Ch- uauhnuna pawhin nimin khan thuthar thehdarh- tute a kawm a. Media-te mawhphurna sawiin, inthlanah an pawimawh thu a sawi a. Inthlanna felfai leh thianghlim a awm theih nan thu thar thehdarhtute chuan cha- nvo pawimawh an neih thu sawiin, theihtawp chhuahpuiah a sawm.
Khawzawl DEO K. Lalrohlua pawhin nimin vek khan thuthar thehdarhtute kawmin, Khawzawl district inbuatsaihna chungchang te a sawi ve bawk.