Jammu & Kashmir-a Pulwama-ah nimin khan inkahna thleng lehin firfiak pahnih kah hlum an ni a, hei hi sipaiten ni hnih chhunga Kashmir chhim lama beihpui an thlak vawi hnihna a ni.
Inbeihna hi nimin tuk atanga intan kha a ni a. Police chuan a hmun hi khar niin venhim hna thawktute hian firfiak tawmte chu an zawng niin an sawi.
Nimina kah hlumte nen hian ni hnih chhungin Kashmir chhim lam district-ah hian firfiak pali thah an ni ta.
Thawhtanni tuk khan Shopian district-ah beihpui thlak niin nimin tuk khan a thara chhunzawm leh a ni.
Venhim hna thawktute hian Melhura veng, Zainapora khuaah hian firfiak tawm an awm tih thu an dawn bawhzuiin a zawn hna an thawk a, inkalpawhna an dangchat vek bawk.