Indian Police Service officer Aparna Kumar chuan khawvel chhim tawp, South Pole thlengin India hnam puanzar a zar pha hlep hlep a, pneumonia vei chungin he hmun hi a thleng.
IPS Aparna hi IPS office zinga South Pole thleng hmasa ber a ni a, khawvela tlangsang ber, Mount Everest pawh lawn tum hian chhim tawp hi a thleng ta phawt a ni.
October 13 khan South Pole hi a thleng a, a feh chhuah hma lawk hian pneumonia avangin a na hrep phawt niin a insawi a, a kalkawngah hian tarmit dum vuah tura an tih chu a tikeh hlauh bawk a, harsa takin a tum ram hi a thleng tih a insawi.
2002 batch Uttar Pradesh cadre IPS officer chuan a kalkawngah hian thli vawt ro tak, na tak bawk siin a chhem a, vurin a hmai a a seh nasa hle bawk a, “Ni tin -40°C-a darkar 8 vel vur tlang ziah chu thil danglam leh hriat reng tawh tur thil a ni,” a ti.
Dehradun-a ITBP-a DIG ni mek, Aparna chuan South Pole boruak chu a rovin chhum a zing nasa a, thla a na em em a, vur a khawn nasa hle tih a sawi a, “Khaw awm dan a danglam em avang hian pawn lamah chuan a awm ngam loh hrim hrim a ni,” tiin a sawi a. A hlawhtlina kawngah hian a pasal, Sanjay Kumar a fak hle bawk.