Inter Milan in Serie A table chung ber luah lailawk turin hnehna an chang a. Inrinni zanah Torino 3-0 in an hneh.
Olimpico Grande Torino a inkhelah hian Inter tan Marcus Thuram, Lautaro Martinez leh Hakan Calhanoglu ten goal an khung.
Simone Inzaghi pawlte hian tun thla tir khan Bologna nen an inhnehtawk avangin hmahruaitu an nihna an hloh a. Nizana Juventus mikhualtu AC Milan lakah point khatin an sang zawk mek.
Serie A champion Napoli tan season liamta a che tha tak Khvicha Kvaratskhelia chuan season bul a tan chhiat hnuah ngai a awh leh tih a lantir a. Goal hnih khungin 3-1 in Hellas Verona an hneh.
Partenopei tan hian Matteo Politano chuan goal hmahruai a khung hnuah Kvaratskhelia goal khung tur tum hnih a siamsak a ni.