Syrian justice ministry chuan nikuma an rama ram tikangtu, mi pathumin an thih phah leh ram zau tak tikangtu mi 24-te chu an tihlum tih a puang.
Indona thlen rengna, Syria-ah hian intihhlumin thil thleng fo a ni a; mahse, Nilainia tihhlum erawh tum khata a tam ber pawl a ni.
Justice ministry-in thuchhuah a siam Ningania sorkar chanchinbuin a tar lanah chuan an tihhlum takte hi firfiak taka chein mei hmangin mi thihna an thlen a, ram tana thil hlu, sorkar leh mi mal ta tam tak an tichhia niin a sawi.
Mi dang 11 erawh thihtir lovin an dam chhung rim taka hna thawk tura hrem an ni a, mi pali chu hun bi tiam neia hna thawk tura hrem niin kumtlinglo mi panga chu kum 10 atanga kum 20 lung in tang tura tih an ni.