United States chuan Taiwan hnenah $ tluklehdingawn 1.8 man vel ralthuam hralhna tur a pawm ta a, hei hian China nena an inkar a tihsosan belh phah ngei rin a ni.
Pentagon chuan ralthuam an hralh tur hi weapon system pathum a nih thu leh heng zingah hian rocket kahchhuahna, sensor leh laipui pawh a tel tih a sawi.
Taiwan hi ram hran angin anmahni chuan an inchhal a, China-in a ram bung pakhat (province) anga a chhiar a ni thung.
Tun hnaiah an inkar hi a tha lo hle a, Beijing chuan he thliarkar la let tur hian tharum a hmang dawn lo tih a lo sawi tawh thung.
US national security advisor Robert O’Brien chuan kar hmasa khan China-in ralthuam hman tum lo angin insawi mah se che turin a inring reng niin a sawi a, hei vang hian Taiwan hi mahni inveng thei tura a inrin a ngai niin a sawi.