Ram hrang hrang police-te thawhhona, Interpol chuan ram hrang hrang 116-a hma an laknaah damdawi dik lo hrang hrang tonne 500 chuang an man tawh.
Heng damdawite hi internet kaltlanga lei theih tura zawrh chhuah te, cancer enkawlna damdawi nia sawi te, a lem siam te, hriau dik lo te an nih thu Interpol police organisation chuan a sawi.
French khawpui pakhat, Lyon-a hmunpui nei, Interpol-in beihpui an thlakna, Pangea XI an tihah hian mi 859 an man a, damdawi hlauhawm an mante hi $ mtd 14 hu vel zet niin an sawi bawk.
“Kan beihpui thlaknaah hian mi thil chah dahtute kan en uluk hle a. Web link 3,671 kan chhui a, thenkhat chu website te, social media page te leh online market tih theihna te a ni,” tiin an sawi.
Interpol chuan internet-a phal loh damdawi zawrh chhuahna, Dark Web an tih mai chu thuneitu lamin theihtawp chhuaha hma lain tihtawpsak tam hle mah se tun hnaiah a pung nasa tih an sawi.